|
| 近年D 大時大節都無計劃過要點做, 因為約人玩會有少少費時失事, 所以一係等人約, 一係就平安渡過... 尋晚, 就黐左去人地既Christmas Party, 去左唱通K, 第一次有成 20 條友咁過聖誕, 不過D 人大部份唔識... BTW, 好快同其他人玩埋左, 玩左好多game, 又唱左好多歌, 飲左好多酒, 狂頂左人地好多酒XDDDD 第一次飲芝華士同blacklabel, 原來溝埋綠茶就會好好好好好好好飲, 所以飲左好多, 不過都無醉... 因為在場既人都唔識, 好多人問我幾多歲... 事實上我個樣比我真實年齡細幾歲... 前日星期三我上某某銀行, 在場既準同事, 唔傾計都唔知, 有幾個係同年紀, 有D 就大我幾歲, 但咁多個之中, 我明顯個樣係細佢地幾年...下次人地問我我會話我自己食左防腐劑... 仲有一件事, 尋晚好偶爾地同一位CU ECON 既人相認左, 好攪笑!!! 另一樣野想講係... 呢兩星期我不斷搵工既感覺, 正正就係過往大家畢業前搵工既心態... 而呢種心態當我0係year 3既時候係完全無... 因為當時我無搵過工, 一心一意諗住搵part time 去左歐洲旅行先算... 但去完歐洲返黎之後, 一來經濟又差左, 二來份part time 又問我轉唔轉full time, 我無乜搵工既心態之後就做左1.5 years... 所以話, 其實講搵工, 我係呢兩星期先真正為自己未來而搵工... 我更加想講既係... 自己好認真去搵工, 原來都好多feedback, 基本上日日都要full suit咁去見工... 好開心原來靠自己努力都有咁多process^^ 23 DEC 2009, 我收到第二個offer, 係一個好好既聖誕禮物, 亦都會係我一個越級挑戰, 我希望可以挑戰成功! | | |
| 發覺而家越黎越多人玩facebook, 越黎越少人寫xanga,所以覺得xanga好似 more secure to express my own feelings 失業了, since 9 Dec 09 to now, 11 天... 第一份工, 係我自己選擇辭職的... 由畢業開始, 去完畢業旅行, 工都未有心去搵, 就由畢業前做梗既呢份part time, 轉為full time, 做左個accounting officer, 都接近一年九個月, 一段唔短的時間... 呢份工其實學到好多野... 一來公司D 野一開始所有finance team既人都走晒, 無人執手尾, 全部同事都係新入黎, 連manager都係... 所以, 大家都夾手夾腳將呢副散左既砌圖砌返完整... 而我, 基本上係好似D management trainee 咁, 不停0係呢段日子裡面rotate我既工作, 開頭part time就做D程度低既野, 例如filing, prioritize service card... 之後轉左個, AP(Account Payable), 幫手找數, 入stock...再之後轉為獨立既accounting officer, 開始接手做好多report,同埋 reconciliation... 最最最後, 就係accounting officer再加 AR (account receivable), 要幫手幫公司打電話追D 舊數... 一年幾個月裡面, 自己試左好多野, 學左好多野... 尤其係開頭係一個電腦白痴, 以為識得 plot 圖, 就=識得用excel... 到而家, 我幾乎識用晒excel d formula, 有次其他department 既同事仲專登黎問我借excel書, 以為我Excel 咁勁係睇書學返黎... 日子越耐, 其實自己都差唔多handle到晒所有job duties, 但亦都發覺自己唔適合0係 account 呢行發展既人... 其實真係幾悶, 可能呢個本生做梗account既人未必認同我, 但係我真係覺得日日做埋呢D backoffice paper work 既野, 多數真係為做而做, 咩compliance, internet audit, 呢D 野我至憎... 全部都要keep record, 所有documentation 又要double check有無senior 簽名... 雖然呢D係可以make sure到, prove 到公司既運作係meet到某D 要求, 但係我覺得好不切實際, 基本上做咁多野, 都係 non-productive, not constructive one... 公司係唔會因為compliance做得唔足而無生意... the key for a firm to survive is to generate new business, but not focus so much human resources on documentation. 所以, 自己真係唔太喜好account既工作, 想試下其他野... 走, 係遲早既事... 本來都諗住做到出年二月, guarantee 拎到個double pay就劈炮... 但係, 岩岩十月底既時候, 俾我知左D 我知完會好嬲既事... 原來做AR 追數既同事, 公司會有個incentive scheme, if 當月全team人都meet到當月追數既target就會有少少錢分... 我, 基本上, 係十分成功能夠追到舊數既一個員工, 追親數我都做到最好... 人地拖數我就鬧, 有幾次都鬧到成個finance team十幾個人都聽到... 但竟然, 原來我一直都係無分到incentive, 到呢刻我先知原本自己蒙在鼓中... 成條team都, 得三個人有得分, 另外追數0個三個 (including me) 就無... 我好嬲, 0個日全日都同另一個分唔到incentive既同事msn... 佢見到我咁落力追數, 以為我係有incentive先咁樣... 但當我話俾佢知我無, 我同佢都一樣無奈... 點解一間所謂既MNC (multi national corporation) 會咁唔公平... 咁係咪即係變相有人有得加人工, 有人無... 而無得加人工既人又要幫手追數, 追到數將自己應得既incentive俾人食左? 哦, 唔怪得某D 人突然間追數咁賣力, 仲專登0係manager, director 在場既時候大大聲追數, 又扮晒忙, 多野做... 所有陰謀好似一瞬間睇清晒... 我好記得當日係 20 Oct 09, 我亦都決定左要點樣處理... 事實上, 當我知道呢件不公平既事之後, 我認為我同某幾個同事之間既誠信破裂, 我直情係唔想同佢地講野, 一講野想鬧佢地咁... 結果, 25 Oct 09, 我考HKSI PAPER (我終於的起心肝考喇!) 考完好有信心, 27 Oct 09 返去即刻返去辭職... 最終佢地都想我做到8 Dec 09, 原因係想我埋多一次數... 既然都走, 我當好來好去, 應承佢地, 賺多幾日錢都好... 哈, 可能大家覺得我好好, 仲幫佢地埋多次數... 我認為佢地做左D對我不忠既事, 最大既懲罰係失去一個得力助手... 事實上, 呢一年幾裡面, 我take up 左一半本應係manager或者其他senior同事要做既report去做... 而呢D 野經我手都成年, 所以得我一個識做, 而且難度都唔低, 一時三刻係教唔到第二個... 所以, 可以話係自作自受, 我當時唔介意take up咁多人地做既野, 我當自己學得更多, 但佢地要take一個risk, 就係once 我要走, 佢地要重新學過... that's it! What's next? 我呢幾個月好有興趣想入bank, 既然account呢行唔岩我, 不如轉下行, 接觸其他野...於是, 我整個十一月, 考晒其他要入bank考既保險 I, II, III, V. Last Day 之後, 我日日都要去見工... 有D 可能見第一見, 已經 lose左俾其他人... 其實要handle 好大既心理壓力... 係唔係自己interview 表現唔好? 幾時會有process? 要等幾耐? 會唔會係人地覺得我唔適合? 我係唔係衝動左? 自己都有唔開心過, 愁過... 唔洗返工, 空閒既時間多左, 諗野既時間都多左, 亂諗野既時間都多左... 呢種感覺, 完全, 絕對, 唔好受...但係, 別人安慰的說話, 又唔想聽, 因為解決唔到我既問題... 我既問題, 始終都係要自己解決... 所以呢排都好少online... 就黎聖誕喇, 剛剛在尋日收到份提早既聖誕禮物, 我收到某某銀行電話, 我得到一個offer了 | | |
| 真係超耐無打過xanga, 不過今日好嬲好唔開心好累, 要發洩! 真係[生前累朋友, 死後累街坊], [咁多人死唔見佢死] 非常之不滿呢一個同事, 賤人, 仆街... 事緣係發生於一件小小既Operation既事, 呢個仆街亦只係一個有人牚既part time.
佢既工作只係幫手print out service card for supporting document of invoice...
當搵唔到service card既時候就需要搵 Warehouse 同事search同埋scan返俾office...
呢個仆街就有事唔做去吹水 (結果攪到今日deadline既野做唔晒), 無事搵野去complain 佢就係去同Manager complain Warehouse 既同事唔合作, request 左佢地搵service card, 但係等左好耐都未有response. 覺得人地無視佢, 針對佢... Manager 又未知成件事, 就call左幾個同事一齊傾... 基本上所有人都唔認同呢個 complain, 覺得係小題大做... 人地Warehouse 唔係fully support我地, 佢地都有自己daily operation, 有自己deadline 同schedule... 我地唔可以要求咁高, 人地耐無response就覺得人地唔尊重你 (咁諗根本係ridiculous) 好啦, 明明D 野今日deadline, 佢又無啦啦攪埋D complain, 一個人disturb 梗manager,同幾個同事做既野, 差唔多成team 人因為呢個仆街而停晒手上既工作幫佢完成今日deadline要做既野, 咁點解佢會咁得閒, 又0係咁唔適當既時候complain. 到argueWarehouse 對其他同事係咪咁, 其他同事都話係有response, 因為我地除左scan, 仲識得email 或者打電話re-confirm 同follow up... 呢個死仆街, 竟然鬧我地無教佢咁做... 佢自己無email account 其實可以打電話... 我地無教佢咩, 係呀! 但係我地都無人教過要用email 或者打電話, 乜呢D 洗人教既咩... 想知道處事方面work唔work, 自己需要嘗試, 而唔係一句人地唔教你, 你可以推卸責任... 同埋, 點解而家先話人唔教你, 你自己都做左咁多個月, 唔覺得有唔妥既咩, 有唔妥點解唔問? 當時幾個同事都棟晒0係度好似同佢玩對質咁, 我自己趕梗份report都忍唔住msn 俾manager, 人地外攻, 我都內攻, 快D KO 佢, 唔可以再俾佢disturb 咁多人... 最後, 當然係正義長存, 失敗者黑面黑左幾粒鐘... 不過我未鬧完, 我唔明點解要0係呢個咁緊急關頭講埋D 咁微不足道既事, 人地都叫左佢不如攪掂D invoice 先 (因為今日deadline), 佢夠膽死話 [唔可以, 一定要解決左先]... 你唔係senior呀, 只不過係assist我地做野既part time咋. 第二, 點解咁多件事上面 (佢其實投訴過好多野), 我地唔覺得有問題, 而只係覺得佢有問題, it's just beacuse of a totally different point of view, 呢個人太過 individualism. 成日看高自己, 睇低人地, 唔會站在人地立場諗野, 腦裡面只有對同錯, 而且當正自己係 judger, 簡直不知所謂. 佢根本就係有問題... 第三, 點解要成日覺得人地針對佢? 同事之間唔應該講針唔針對, 同事同事, 一同共事而已... 請你返黎唔係要你judge人地辦事方法有無問題, 而係要一齊解決目前問題... 今日佢就用左成個鐘篇幅做埋D 咁無謂既咩, non-constructive, non-contributable... 今個星期, 我已經為左要做D report 攪到有兩日十點先走人, 呢兩日又要幫佢開OT... 真係覺得佢好過份, 簡直無中生有, 厚顏無恥... 我好憎呢個人, 好憎呢type 既人.我第一次想用我畢生識既粗口用0係呢個人身上 我好少咁樣講一個人, 但係真係忍唔住, 我好嬲, 真係唔該你仆街死遠D! | | |
| 
15 Jan 09, 同一個地方, 同一部相機, 總會有相遇既一刻, 完! 排名不分先後, 陳偉峰, 呂志成, 李浩光, 陳嘉蓮, 何天恩, 張凱華, 你地幾個0係上年應承過我今年 30/1 得閒, 唔好甩底! | | |
| 兩日一夜既過大海之旅又誘使我記載下來, 同行者有十仔同JAMES! 為左是次旅行事事順利, JAMES 去左求簽, 仲求左支上上簽, 當中有幾句係 [月缺又重圓], [此乃否極泰來之象]之類... 當我地中午check in 後, 食完個泰國餐, 就去威尼斯人去展示同測試下我地既運氣... 主要玩左個Casino War (其實即係抽張卡鬥大細), 唔需要半個鐘, $500 就... 輸左... 然後我地去行下0個度個廣場, 可能因為輸錢既關係, 就算見到幾靚既野都好, 大家都無乜心機去讚美一番... 而家諗返起都覺得幾有特色, 有d artist 0係度唱歌, 模仿威尼斯人... 我地決定離開... 出去既時候, 我覺得好眼訓, 因為個場令我好唔舒服, 加上輸埋錢...原來JAMES 都係同我一樣, 果然英雄所見略同... 轉場去新葡京... 今次入去, 覺得感覺幾舒服... 玩既game係加勒比海, JAMES 話以前玩過覺得幾好玩, 不過就唔記得點玩 (大概係玩啤牌咁, 每人五張牌, 有pair或以上既組合就會有更大勝算)... 好彩有個好好人既荷官教我地, 而且呢個係全場最無殺氣既一個荷官... 我地每輸幾鋪, 就會起身兜下個場, 當轉下運... 我地發現其他荷官好兇, 眼神似係食硬你咁... 結果呢D 荷官真係下下都 A pair, K pair... 呢個好人既荷官就令到我地cover 返少少蝕左既錢... 然後我玩blackjet, 我揀左估無殺傷力, 個額頭好似鑿左個[輸]字既女荷官, 我既牌面只係16 點, 但係佢自己爆煲, 食佢 $200... 我地終於回返本... 當我地決定再轉場既時候, 我覺得非常之精神, 新葡京都幾旺我地... 然而, 我地既pattern 係輸一場, 贏一場... 當再入另一間場---永利既時候, 我既不詳預感 (眼訓) 又再黎... 結果, 我地玩大細, blackjet 同埋加勒比海都... 就係咁, $500 又無左... 然後我地去大三巴附近掃街, 當食返D 美食安慰下... 我地見到個corner諗住轉入去, 次序係JAMES行先, 我同十仔跟JAMES都距離十步... JAMES 一入去... 有個女人嗌：[呀靚女, 飲咩呀靚女?] 當時我地三個同個女人都呆左下... 個女人再糾正返：[靚仔, 飲咩呀?] 結果我同十仔笑左好耐, 估唔到JAMES 係一個靚女... 十仔之後買野食, 諗住問我攞錢 (因為我keep左大家部份錢, 當係旅行基金...) JAMES 當機立斷咁講：[十仔, 不如散紙就自己俾錢啦] 過多一分鐘, JAMES 同我講：[b 龍, 今日晏晝食飯係咪有散紙剩]... 我答佢仲有$5, 佢就拎左我D 錢去左買格仔餅... JAMES is JAMES 呢件事同三年前發生過同樣既事... 三年前, 大家仲係year1, 要考語精... JAMES 曾經分別打電話俾我另外兩位中同：[喂, 不如一齊唔好溫語精, 我好多major 溫唔到...] 到我當晚返宿, JAMES 二話不說, 拎住份past paper：[b 龍, 可唔可以教我語精, 我唔識, 我知你叻] 食過豬扒包, 葡撻, 飲埋杯珍珠奶茶, 我地決定再戰新葡京! 本剩無幾, 唯有將所有本換晒籌碼... 我地見加勒比海比較有勝算, 於是主玫... 搵返0個個好人荷官... 不過今次無咁容易, 我地展開左差唔多成粒鐘既拉鋸戰... 個莊次次都成唔到局, 只係賠$100, 我地D 牌幾好都開唔到局... 到我地成局, 荷官個莊又成局, 佢個局又大過我地, 我地又將慢慢meet 返黎既 $100 $100 $100, 就咁又無左... 當時情況好似係, 我地個本得返幾百蚊, 這是否否極泰來之象？結果, the world is not as simple as you can imagine! 不知不覺, 咁玩左成日, 估唔到咁傷神... 我地返酒店lu... 估唔到酒店電視有咁多野睇... 醒目既JAMES 見到某D 收費電視有得preview, 於是噤黎睇下... preview 其實只係得一分鐘, 相信人地都無諗到我地會不停不停preview... 一分鐘完左, 再轉台, 過多陣再preview 下... 當晚我有D 驚, 到我地check out 會唔會收返我地幾百蚊... 我地傾下計, 到三點左右就訓... 據聞我同JAMES鼻寒聲都不相百仲, 果然「英雄所見略同!」, 十仔仲間唔中叫醒我... 原因係, 我已經有幾次推佢落床, 同埋將佢既被都據為己有, 我當然唔知... 訓到十一點, 嗌聲 「仆街禢達智」, 果然有效, 大家都醒左一醒, 因為我地十二點要 check out... 我地行去大三巴... 食好多野... 第一站係食蟹粥 + 炒飯... 食完之後, 行左上去大三巴影下相, 見到有D tourist 拎住好靚既葡撻, 就買返個黎食...然後買左個鹽酥雞, 雖然唔係新鮮炸, 但係都好好味, 好似炸鹽焗雞咁... 我地再戰義順, 食雙皮奶... 十仔去搵真正既咀香園 (真正0個間唔0係大三巴0個邊), 我同JAMES 不停咁唱Soler咀香園首歌... 超攪笑, 見到有個鋪頭名係 [馬交明], 我停左五分鐘, 又講[獸交明], [on 膠JAMES] 係好朋友... 事後諗返起, [馬交]應該係指 Macau... 始終都係深信旅行完會大病既理論, 因為而家開始喉嚨痛, 鼻都塞埋... | | |
|
